რუსეთის ფედერაციის არმია სევეროდონეცკისა და ბახმუტის მიმართულებებით შტურმს ახორციელებს, - ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.

მათივე ცნობით, რუსული ძალები ლიმანზე შეტევისთვის ემზადებიან.

“ლიმანის მიმართულებით მტერი თავდასხმისთვის ემზადება. სევეროდონეცკის მიმართულებით, ოკუპანტები ახორციელებენ შტურმს სევეროდონეცკის და ტოშკოვკას დასახლებების რაიონებში, ბრძოლა გრძელდება,” - აღნიშნულია ინფორმაციაში.

გენშტაბის ცნობით, ბრძოლა გრძელდება ბახმუტის მიმართულებითაც.

„ბახმუტის მიმართულებით რუსულმა ძალებმა განახორციელეს საბრძოლო და თავდასხმის ოპერაციები ზოლოტოეს, კამიშევახას, ნირკოვოეს, ბერესტოვოეს, პოკროვსკოეს, დოლომიტნოეს დასახლებების ტერიტორიებზე, მაგრამ წარმატებას ვერ მიაღწიეს, ბრძოლა გრძელდება,” - აღნიშნულია ინფორმაციაში.