ვახტანგ მახარობლიშვილი ბრიუსელში საგარეო საქმეთა მინისტრის ვიზიტს აფასებს

ძალიან მნიშვნელოვანია, რომ საგარეო საქმეთა მინისტრი ბრიუსელს კიდევ ერთხელ ეწვია და მინისტრის ევროკომისრებთან მაღალი დონის შეხვედრები გრძელდება - ევროკომისია ჩვენს განაცხადთან დაკავშირებით ე.წ. მოსაზრებას ამზადებს, შესაბამისად, ევროკომისრები ევროკომისიის მოსაზრების ჩამოყალიბების პროცესში ძალიან მნიშვნელოვან როლს თამაშობენ, - ამის შესახებ ევროკავშირში საქართველოს მისიის ხელმძღვანელმა, ვახტანგ მახარობლიშვილმა, საგარეო საქმეთა მინისტრის, ილია დარჩიაშვილის ბრიუსელში ვიზიტის შეფასებისას განაცხადა.

მისივე თქმით, ძალიან მნიშვნელოვანია სექტორული თანამშრომლობა საქართველო-ევროკავშირს შორის, ვინაიდან ეს საქართველოს ევროპული ინტეგრაციის და ევროკავშირში გაწევრიანების ქვაკუთხედია.

„უაღრესად მნიშვნელოვანია, რომ წელს, იმ ფონზე, როდესაც საქართველომ ევროკავშირში გაწევრიანებაზე განაცხადი გააკეთა, საქართველოს საგარეო საქმეთა მინისტრი მიღებას უმასპინძლებს, რომელიც მიძღვნილია საქართველოს დამოუკიდებლობის დღისადმი. ღონისძიება სიმბოლურად ევროკავშირის პოლიტიკური დედაქალაქის მთავარ მოედანზე, მერიის შენობაში გაიმართება“, - განმარტა მახარობლიშვილმა.

მისი განმარტებით, ღონისძიების ფარგლებში, მინისტრს შესაძლებლობა ექნება, რომ დამსწრე საზოგადოებას საქართველოს ევროპული იდენტობისა და ჩვენი ევროპულ ოჯახში დაბრუნების მნიშვნელობის შესახებ მნიშვნელოვანი გზავნილები გაუზიაროს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს