რუსეთი აცხადებს, რომ ჰიპერბგერითი ფრთოსანი რაკეტა „ცირკონის“ ტესტირება დაასრულა და წლის ბოლომდე, მას ჩრდილოეთის ფლოტის ახალ ფრეგატზე განათავსებს. ამის შესახებ ინფორმაცია მედიაში ვრცელდება.
Reuters-ის ცნობით, ჩრდილოეთის ფლოტის მეთაურმა ალექსანდრე მოისეევმა განაცხადა, რომ „ადმირალ გოლოვკოს“ ფრეგატი პირველია, რომელიც „ცირკონით“ სრულად შეიარაღებული იქნება.
ამასთან, რუსეთის პრეზიდენტმა ვლადიმერ პუტინმა „ცირკონი“ შეაფასა, როგორც ახალი თაობის შეუდარებელი იარაღის სისტემების ნაწილი.