დიდი ბრიტანეთის დაზვერვა - რუსეთმა სევეროდონეცკის უმეტეს ნაწილზე კონტროლი მოიპოვა, თუმცა მთავარ გზას კვლავ უკრაინა აკონტროლებს

დიდი ბრიტანეთის თავდაცვის სამინისტროს მორიგი სადაზვერვო ინფორმაციით, რუსეთმა სევეროდონეცკის უმეტეს ნაწილზე კონტროლი მოიპოვა, თუმცა მთავარ გზას კვლავ უკრაინა აკონტროლებს.

უწყების ინფორმაციით, რუსულ მხარეს წინსვლის გასაგრძელებლად მდინარის გადალახვა უქმნის ბარიერს.

„რუსეთმა სევეროდონეცკის უმეტეს ნაწილზე კონტროლი მოიპოვა. სევეროდონეცკის მთავარი გზა სავარაუდოდ, უკრაინის კონტროლის ქვეშ რჩება, მაგრამ რუსეთი სტაბილურ ლოკალურ მიღწევებს აგრძელებს. ეს არ ყოფილა დანაკარგების გარეშე და რუსულმა ძალებმა ამ პროცესში დანაკარგები განიცადეს. მდინარე სივერსკი დონეცის გადაკვეთა, რომელიც მათი წინსვლის ღერძებისთვის ბუნებრივი ბარიერია, რუსული ძალებისთვის სასიცოცხლოდ მნიშვნელოვანია, რადგან ისინი დონეცკის ოლქზე გადასვლისთვის ემზადებიან. პოტენციური გადაკვეთის ადგილები ქალაქ სევეროდონეცკსა და მის მეზობელ ქალაქ ლისიჩანსკს შორის ადგილს და ახლახან დაკავებულ ლიმანთან ახლოს ტერიტორიას მოიცავს. ორივე ადგილას მდინარის ხაზი სავარაუდოდ, კვლავ უკრაინული ძალების კონტროლის ქვეშ რჩება, რომელთაც არსებული ხიდები გაანადგურეს. სავარაუდოა, რომ რუსეთს ხანმოკლე ტაქტიკური პაუზა დასჭირდება, მდინარის გადალახვისა და შემდგომი შეტევებისთვის დონეცკის ოლქში, სადაც უკრაინის შეიარაღებულმა ძალებმა თავდაცვითი პოზიციები მოამზადეს. ამგვარი მოქმედებით, იქმნება რისკი, რომ დაკარგონ ის იმპულსები, რაც მათ ბოლო კვირებში მოიპოვეს“, - ნათქვამია განცხადებაში

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა