დონეცკის სამხედრო ადმინისტრაციის ხელმძღვანელის, პავლო კირილენკოს ინფორმაციით, აღმოსავლეთ უკრაინაში, დონეცკის ოლქის რამდენიმე რაიონი „მუდმივი სარაკეტო დარტყმის ქვეშაა“. ამის შესახებ ინფორმაციას CNN-ი ავრცელებს.

კიევში გამართულ პრესკონფერენციაზე კირილენკომ აღნიშნა, რომ ქალაქები ბახმუტი და სლოვიანსკი დაბომბვის ქვეშ მყოფ რეგიონებს შორის არის.

მისივე თქმით, რუსული ჯარები ასევე „ლიმანი-იზიუმის მიმართულებით, სლოვიანსკისა და კრამატორსკის ტერიტორიების დასაკავებლად მიდიან“ და ბახმუტიდან ლისიჩანსკამდე გზატკეცილი „მტრის ცეცხლის ქვეშ რჩება“.

კირილენკომ დასძინა, რომ დონეცკის რეგიონში ბოლო 24 საათის განმავლობაში, სულ მცირე 7 ადამიანი გარდაიცვალა, ხოლო 10 კი - დაიჭრა.

მედიის ცნობით, რეგიონში 1.6 მილიონი მცხოვრებლიდან მხოლოდ 340 000 რჩება.