ლიეტუვის თავდაცვის მინისტრი, არვიდას ანუსაუსკასი აცხადებს, რომ თურქეთი მზადაა, ლიეტუვას უფასოდ გადასცეს უპილოტო საფრენი აპარატი „ბაირაქტარი“, რომელიც უკრაინას უნდა მიაწოდონ და რომლის შესაძენად ლიეტუველმა ხალხმა ფული შეაგროვა.

„დაუჯერებელია, მაგრამ თურქეთი თანახმაა, უფასოდ გაიღოს „ბაირაქტარი“, რომლისთვისაც ლიეტუვამ ფული შეაგროვა. გასაოცარია. შეგროვებული თანხით ჩვენ შევიძენთ „ბაირაქტარისთვის“ საჭირო საბრძოლო მასალას და დანარჩენი თანხა ასევე გადაირიცხება უკრაინის მხარდაჭერისთვის“, - აღნიშნა ლიეტუვის თავდაცვის უწყების ხელმძღვანელმა.

შეგახსენებთ, ლიეტუვამ თურქეთთან ხელი მოაწერა შეთანხმებას უკრაინისთვის „ბაირაქტარის“ დრონების შესყიდვის შესახებ. დრონის შესაძენად ლიეტუვის მოქალაქეებმა სამ დღეში თითქმის 6 მილიონი ევრო შეაგროვეს.