საოკუპაციო ჯარები აკონტროლებენ სევეროდონეცკის ტერიტორიის 70%-ს, თუმცა ბოლო ორი დღის განმავლობაში უკრაინის არმიამ უკააგდო ისინი - ქალაქი შუაზე გაიყო. ამის შესახებ ლუგანსკის რეგიონული სამხედრო ადმინისტრაციის თავმჯდომარემ სერგეი გაიდაიმ განაცხადა.
გაიდაის თქმით, დამპყრობლებმა დაკარგეს პერსონალის დიდი რაოდენობა. უკრაინელმა სამხედროებმა 8 რუსი ტყვედ აიყვანეს.
„მტრის ჯარის ყველა რეზერვი მიმართულია სევეროდონეცკის და ლისიჩანსკ-ბახმუტის გზატკეცილის აღებისკენ“, - განაცხადა რეგიონული სამხედრო ადმინისტრაციის თავმჯდომარემ.
მან ასევე დაამატა, რომ 5 ივნისის ღამეს ლისიჩანსკში ჰუმანიტარული შტაბის შენობას 30-მდე ჭურვი მოხვდა.