უკრაინის პრეზიდენტის, ვოლოდიმირ ზელენსკის განცხადებით, ბრიტანეთის პრემიერ-მინისტრს, ბორის ჯონსონს ესაუბრა, რომელმაც დაუდასტურა, რომ გაერთიანებული სამეფო კიევს სამხედრო დახმარების ახალ პაკეტს მიაწვდის.
„გაერთიანებული სამეფოს პრემიერ-მინისტრს, ბორის ჯონსონს ვესაუბრე. მივიღე დადასტურება უკრაინისთვის თავდაცვის დახმარების ახალ, გაძლიერებულ პაკეტთან დაკავშირებით“, - წერს ზელენსკი „ტვიტერზე“.
მისი თქმით, სატელეფონო საუბრის დროს სასურსათო კრიზისის თავიდან აცილებისა და პორტების განბლოკვის საკითხები განიხილეს.
„დაისვა უსაფრთხოების გარანტიებზე მუშაობის გააქტიურების საკითხი. გაერთიანებულ სამეფოსთან ერთად ვეძებთ გზებს სასურსათო კრიზისის თავიდან ასაცილებლად და პორტების განბლოკვის მიზნით“, - წერს ზელენსკი.