ნათია თურნავა - მომიტევეთ, მაგრამ ჯერ კიდევ ეკონომიკის მინისტრობის ინერციით ვიტყვი: რაც შეიძლება მეტი პირდაპირი უცხოური ინვესტიცია უნდა გვქონდეს და არ გვაქვს ამ თვალსაზრისით ძალიან ცუდად საქმე
მომიტევეთ, მაგრამ ჯერ კიდევ ეკონომიკის მინისტრობის ინერციით ვიტყვი - რაც შეიძლება მეტი პირდაპირი უცხოური ინვესტიცია უნდა გვქონდეს, არ გვაქვს ამ თვალსაზრისით ძალიან ცუდად საქმე , - ამის შესახებ ეროვნული ბანკის საბჭოს წევრობის კანდიდატმა ნათია თურნავამ პარლამენტში საფინანსო-საბიუჯეტო კომიტეტის სხდომაზე განაცხადა, რითაც უპასუხა კითხვას, პირდაპირი უცხოური ინვესტიციების ზრდა დადებითი მოვლენაა თუ უარყოფითი.
როგორც თურნავამ აღნიშნა, როდესაც გლობალურ ბაზარზე ინვესტორები რეგიონში გაურკვევლობის გამო ახალ ინვესტიციებს ერიდებიან, ინვესტიციების მოძიება ყველას გაუჭირდება.
„არის მოცემულობა, რომ რაც მეტი ინვესტიციაა დივიდენდის სახით, მეტი კაპიტალის გადინება ხდება. მომიტევეთ, მაგრამ ჯერ კიდევ ეკონომიკის მინისტრობის ინერციით ვიტყვი - რაც შეიძლება მეტი პირდაპირი უცხოური ინვესტიცია უნდა გვქონდეს. არ გვაქვს ამ თვალსაზრისით ძალიან ცუდად საქმე. საქართველოში, მიუხედავად პანდემიისა და ბევრი ჩავარდნისა, რაც გლობალურ მიზეზებთანაა დაკავშირებული, პირდაპირი უცხოური ინვესტიციების მოცულობა 6%-ზე მეტია მთლიან შიდა პროდუქტთან მიმართებით. 6,2% არის საკმაოდ მაღალი მაჩვენებელი ჩვენი სუვერენული რეიტინგის მქონე ქვეყნების ჯგუფთან შედარებით. ეს ნიშნავს თუ არა იმას, რომ ყველაფერი გაკეთებულია? - რა თქმა უნდა, არა. ახლა, როდესაც რისკები გაზრდილია; როდესაც გლობალურ ბაზარზე ინვესტორები რეგიონში გაურკვევლობის, საომარი მოქმედების და ბევრი სხვა ფაქტორის გამო, ერიდებიან ახალ ინვესტიციებს (ვფიქრობ, რომ შეიძლება რეინვესტირებაც კი დაზიანდეს გლობალურად, ამ თვალსაზრისით), რა თქმა უნდა, ყველას უფრო მეტად გაუჭირდება ახალი ინვესტორების მოზიდვა. აქედან გამომდინარე მთავრობას, ეკონომიკურ გუნდს მოუწევს გაორმაგებული ძალისხმევა, რათა მეტი ინვესტორი შემოვიყვანოთ. ვხედავ ამ მზადყოფნას და ოპტიმისტურად ვარ განწყობილი უცხოური ინვესტიციების შემოყვანის თვალსაზრისით“, - განაცხადა ნათია თურნავამ.
v-if="article.gallery" v-html="article.gallery"
