რუსული ძალები ინარჩუნებენ კონტროლს სევეროდონეცკის უმეტეს ნაწილზე, თუმცა ქალაქში არსებული ზუსტი ვითარება გაურკვეველი რჩება, - ამის შესახებ ომის შესწავლის ინსტიტუტის (ISW) მიერ გამოქვეყნებულ ანგარიშშია აღნიშნული.
ანალიტიკოსების აზრით, ქალაქის კონტროლი ხშირად „გადადის ხელიდან ხელში“.
ამასთან, ომის შესწავლის ინსტიტუტში აცხადებენ, რომ რუსული არმია აგრძელებს უკრაინის კომუნიკაციების გაწყვეტის წარუმატებელ მცდელობებს ბახმუტის ჩრდილო-აღმოსავლეთით.
შეგახსენებთ, უკრაინის პრეზიდენტმა, ვოლოდიმირ ზელენსკიმ გუშინ განაცხადა, რომ უკრაინელი დამცველები სევეროდონეცკში პოზიციებს არ თმობენ და ქალაქში სასტიკი ქუჩის ბრძოლები გრძელდება.