1 000-ზე მეტი უკრაინელი სამხედრო და უცხოელი დაქირავებული მებრძოლი, რომელიც მარიუპოლში ჩაბარდა, რუსეთში გამოძიების ჩატარების მიზნით გადაიყვანეს, - ამის შესახებ ინფორმაციას სააგენტო „ტასი“ სამართალდამცავი სამსახურების წარმომადგენელზე დაყრდნობით ავრცელებს.

წყაროს ცნობით, რუსეთში, მოგვიანებით, კიდევ მეტ ომის ტყვეს წაიყვანენ.

ცნობისათვის, უკრაინის პრეზიდენტმა, ვოლოდიმირ ზელენსკიმ გუშინ განაცხადა, რომ მისი შეფასებით, რუსებს „აზოვსტალის“ ქარხნის 2 500-ზე მეტი მებრძოლი ჰყავთ დაკავებული.

უკრაინა მარიუპოლის დატყვევებული მებრძოლების ტყვეების გაცვლის გზით გათავისუფლებას გეგმავს, თუმცა რუსეთში აცხადებენ, რომ მათ პასუხი „კანონის წინაშე“ უნდა აგონ.