უკრაინელი ოფიციალური პირის თქმით, რუსეთის მიერ ოკუპირებული ხერსონის რეგიონში დაახლოებით 600 ადამიანი "საწამებლად აღჭურვილ ოთახებსა" და წინასწარი დაკავების დაწესებულებებში მძევლად არიან აყვანილი. ამის შესახებ ინფორმაციას CNN-ი ავრცელებს.
ყირიმში, ვოლოდიმირ ზელენსკის წარმომადგენლის, თამილა ტაშევას თქმით, 600 ადამიანიდან ნახევარი, მძევლად აყვანილი, ხერსონის რეგიონული სამხედრო ადმინისტრაციის შენობაში, წინასწარი დაკავების ცენტრსა და ქალაქ ჰენიჩესკის მე-17 პროფესიულ სასწავლებელში ჰყავთ.
ტაშევას თქმით, დაკავებულები არიან მშვიდობიანი მოსახლეობა, აქტივისტები, ჟურნალისტები და სამხედრო ტყვეები, რომელთაგან ზოგიერთი ხერსონიდან სიმფეროპოლში, რუსეთის მიერ ოკუპირებული ყირიმის სიდიდით მეორე ქალაქში გადაიყვანეს.
შეგახსენებთ, სამხრეთ უკრაინაში მდებარე ქალაქი ხერსონი თებერვლის ბოლოს, რუსულმა მხარემ დაიკავა. უკრაინელი ოფიციალური პირების შეფასებით, ხერსონის მშვიდობიანი მოსახლეობის ნახევარმა რეგიონი ომის დროს დატოვა.