უკრაინის სამხედრო დაზვერვის უფროსის მოადგილე - ეს არის საარტილერიო ომი, ჩვენ კი არტილერიის თვალსაზრისით ვაგებთ - ახლა ყველაფერი დამოკიდებულია იმაზე, რას მოგვცემს დასავლეთი

უკრაინის სამხედრო დაზვერვის უფროსის მოადგილე, ვადიმ სკიბიცკი აცხადებს, რომ უკრაინა ფრონტის ხაზებზე რუსეთთან აგებს და ახლა თითქმის მხოლოდ დასავლეთის იარაღზეა დამოკიდებული, რომ რუსეთი შეაკავოს.

“ეს არის საარტილერიო ომი, ჩვენ კი არტილერიის თვალსაზრისით ვაგებთ. ახლა ყველაფერი დამოკიდებულია იმაზე, თუ რას მოგვცემს დასავლეთი,” - აღნიშნა ვადიმ სკიბიცკიმ The Guardian-თან ინტერვიუში.

მისი თქმით, უკრაინა დღეში 5000-დან 6000-მდე საარტილერიო ჭურვს იყენებს.

“ჩვენ თითქმის გამოვიყენეთ ჩვენი საარტილერიო საბრძოლო მასალა და ახლა ნატო-ს სტანდარტის 155 კალიბრიან ჭურვებს ვიყენებთ,” - აღნიშნა ვადიმ სკიბიცკიმ.

მისი თქმით, დასავლეთმა უნდა მიაწოდოს უკრაინას შორ მანძილზე მოქმედი სარაკეტო სისტემები, რათა რუსული საარტილერიო ნაწილები შორიდან გაანადგურონ.

“თუ ისინი წარმატებას მიაღწევენ დონბასში, მათ შეუძლიათ გამოიყენონ ეს ტერიტორიები ოდესაზე, ზაპორიჟიესა და დნიპროზე მორიგი თავდასხმის განსახორციელებლად”, - აღნიშნა სკიბიცკიმ.

ის არ გამორიცხავს იმის შესაძლებლობას, რომ რუსეთმა დროებით გაყინოს ომი, რათა დაარწმუნოს დასავლეთი სანქციების მოხსნაში. “მაგრამ შემდეგ ისინი კვლავ დაიწყებენ მას - გადახედეთ ბოლო რვა წელს,” - დასძინა სკიბიცკიმ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს