პუტინის აღიარება მიწების მიტაცების შესახებ და საკუთარი თავის შედარება პეტრე პირველთან ამტკიცებს, რომ „კონფლიქტი“ არ ყოფილა, ხალხის გენოციდის გამოგონილი საბაბით, მათ მხოლოდ ქვეყნის სისხლიანი დაპყრობა სურთ, - ამის შესახებ უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა განაცხადა.

„ჩვენ არ უნდა ვისაუბროთ „რუსეთის სახის გადარჩენაზე“, არამედ მის დაუყონებლივ დეიმპერიალიზაციაზე“, - დაწერა პოდოლიაკმა „ტვიტერის“ საკუთარ გვერდზე.

შეგახსენებთ, ვლადიმერ პუტინმა განაცხადა, რომ რუსეთს საკუთარი თავის დაცვა და ბრძოლა უწევს. მისი თქმით, პეტრე პირველი ჩრდილოეთის ომს 21 წლის განმავლობაში აწარმოებდა. როგორც კრემლის ლიდერმა დასძინა, მათ წილად ხვდათ ტერიტორიების დაბრუნება და გაძლიერება. რუსეთის წინაშე არსებული ამოცანების შესასრულებლად კი ისინი წარმატებას მიაღწევენ.