ფართომასშტაბიანი საჰაერო იერიშების მიუხედავად, რუსეთმა ხარკოვის რეგიონში წინსვლა ვერ შეძლო, - ამის შესახებ რეგიონის გუბერნატორმა ოლეგ სინეგუბოვმა „ტელეგრამის“ საკუთარ არხზე განაცხადა.
„საარტილერიო თავდასხმებითა და დაბომბვით, წუხელ მტერმა კვლავ დაატერორა ხარკოვის მოსახლეობა. დაზიანებულია სახლები, საწყობები, ინფრასტრუქტურული ობიექტები. იწვოდა წიწვოვანი ტყეები. დღის განმავლობაში ორი მშვიდობიანი მოქალაქე დაიღუპა და 15 დაიჭრა“- აღნიშნა სინეგუბოვმა.
გუბერნატორის თქმით, შეხების ხაზზე მოწინააღმდეგის წინსვლა არ ყოფილა. როგორც სინეგუბოვი აცხადებს, ხარკოვის მიმართულებით მტერი თავდაცვაზეა ორიენტირებული.
„იზიუმის რეგიონში მტერი რეზერვს ავსებს და ძალების გადაჯგუფებას ახდენს. ჩვენი დამცველები აგრძელებენ ოკუპანტებს მნიშვნელოვანი ზიანი მიაყენონ ცოცხალი ძალისა და აღჭურვილობის დანაკარგის სახით. უკრაინა გაიმარჯვებს!“- დასძინა სინეგუბოვმა.