ზურაბ აბაშიძე ოპოზიციას - თქვენ არ გინდათ, რომ საქართველომ ევროკავშირის კანდიდატის სტატუსი მიიღოს

თბილისის საკრებულოს სხდომაზე საკრებულოს თავმჯდომარის მოადგილე ზურაბ აბაშიძე ოპოზიციის განცხადებებს გამოეხმაურა ევროპარლამენტის რეზოლუციასთან დაკავშირებით. როგორც ზურაბ აბაშიძემ განაცხადა, ოპონენტების განცხადებები რეალობას აცდენილია და ცინიზმით არის სავსე.

„ერთი მხრივ, ვისმენთ იმას, თუ როგორ განიცდიან ჩვენი ოპონენტები ამ რეზოლუციას; მეორე მხრივ, გულში აშკარად იგრძნობა მათი ბედნიერება და სიხარული რეზოლუციასთან დაკავშირებით. მოდით, რეალურად შევხედოთ, საზოგადოება როგორ უყურებს ამას. იმ ნაწილს საზოგადოებისა, რომელსაც თქვენ წარმოადგენთ, შეიძლება ძალიანაც უხარიათ ამ რეზოლუციის შინაარსი, მაგრამ საზოგადოების უდიდეს ნაწილს რა თქმა უნდა არა ახარებს და პირიქით ნეგატიურად არის განწყობილი. სწორედ თქვენი დამსახურებაა ის, რომ ასეთი რეზოლუცია იქნა მიღებული. ასეთი რეზოლუციები ხელს უწყობს და აღრმავებს იმ პოლარიზაციას, რომელიც ჩვენს საზოგადოებაში არსებობს“,- განაცხადა ზურაბ აბაშიძემ.

მან აღნიშნა, რომ ოპოზიციას არ სურს, რომ საქართველომ ევროკავშირის კანდიდატის სტატუსი მიიღოს და არც მშვიდობა უნდათ. ზურაბ აბაშიძის თქმით, საქართველოში მედია თავისუფალია და ამის დასტურია არაერთი კრიტიკული მედიასაშუალება.

„თქვენ არ გინდათ, რომ საქართველომ ევროკავშირის კანდიდატის სტატუსი მიიღოს და არც მშვიდობა გინდათ. თქვენ გინდათ, რომ პრეზიდენტმა ზურაბიშვილმა შეიწყალოს ნიკა გვარამია. აი ქალბატონები სხედხართ, გვარამია როგორც მოიხსენიებდა პრეზიდენტს და ქალს, როგორც წარმოგიდგენიათ ეს. რა მედია თავისუფლებაზე საუბრობთ თქვენ, მედია არ არის თავისუფალი საქართველოში? აბა რა არის თავისუფალი, ჩართეთ ტელევიზორი და უყურეთ“,- განაცხადა ზურაბ აბაშიძემ.

საკრებულოს თავმჯდომარის მოადგილემ ოპოზიციის განცხადებებს ბიძინა ივანიშვილის დასანქცირებასთან დაკავშირებით შანტაჟი უწოდა. მან აღნიშნა, რომ ქვეყნის განვითარება და აღმშენებლობა გაგრძელდება და საქართველო ევროკავშირის წევრიც გახდება და ნატოს წევრიც.

აღნიშნულ ინფორმაციას საკრებულოს პრესსამსახური ავრცელებს.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია