ბსუ-ს USAID-ის საბაზისო განათლების პროგრამის პროექტის „იდეატორთა კლუბის“ „წლის იდეატორი“ გამოვლიდა

ბსუ-ს USAID-ის საბაზისო განათლების პროგრამის პროექტის „იდეატორთა კლუბის“ „წლის იდეატორის“ გამარჯვებული ბათუმის მე-14 საჯარო სკოლის პროექტია. ბათუმის შოთა რუსთაველის სახელმწიფო უნივერსიტეტში გამართულ დასკვნით ღონისძიებაზე ჟიურიმ ბათუმის ექვსი საჯარო სკოლის მოსწავლეების პროექტები განიხილა და გამორჩეული ნამუშევრის იდეის ავტორი კლუბის „წლის იდეატორი“ გამოავლინა.

„მომავლის ხიდის“ პროექტზე მე-14 საჯარო სკოლის მეხუთე კლასის მოსწავლეები: თათია დიასამიძე, ნიცა კონცელიძე, მარი ბაკურიძე, ლიკა ბერიძე, სარა გურგენიძე და მარი შონია ორი თვის განმავლობაში მუშაობდნენ. ჟიურიმ ასევე, ,,წლის იდეატორთან’’ ერთად გამოავლინა ყველაზე ,,ინოვაციური“, ,,პრაქტიკული“, ,,მდგრადი“, ,,კრეატიული“ და ,,შემოქმედებითი“ პროექტები.

ბათუმის შოთა რუსთაველის სახელმწიფო უნივერსიტეტის მიერ გავრცელებული ინფორმაციით, ბიზნესის სექტორის წარმომადგენლებმა სკოლის მოსწავლეები სამახსოვრო საჩუქრებით დააჯილდოვეს, ხოლო პროექტში მონაწილე სკოლებს ბსუ-მ USAID-ის საბაზისო განათლების პროგრამის პროექტის ,,იდეატორთა კლუბის“ ფარგლებში მრავალფუნქციური პრინტერები გადასცა.

„ბსუ-ს პროფესიული პროგრამების მართვისა და უწყვეტი განათლების ცენტრი 2020 წლიდან ახორციელებს „USAID-ის საბაზისო განათლების პროგრამას“. პროგრამის ერთ-ერთი კომპონენტია „იდეატორთა კლუბის" ამოქმედება, რომელიც ითვალისწინებს უნივერსიტეტის, სკოლისა და ბიზნესის სექტორის თანამშრომლობით პროექტების დაგეგმვა-მომზადებას და ამ გზით დაწყებითი კლასების მოსწავლეებში ბიზნეს-იდეების განვითარებას. „იდეატორთა კლუბის“ ჩამოყალიბებაში მონაწილეობის სურვილი გამოხატა ექვსმა ბიზნეს-ლიდერმა. ესენია: ბაზისბანკი, სამშენებლო კომპანიები შპს „ჰორიზონ ჯგუფი“ და შპს „ანაგი“, ბათუმის რეფერალური ჰოსპიტალი, აჭარის საექთნო ასოციაცია, კლინიკა „ჰელსი“ და ქართულ-ამერიკული საერთაშორისო სკოლების „პროგრესის“ ქსელი. 2022 წლის მარტის თვიდან "იდეატორთა კლუბები" ბიზნეს-ლიდერების მიერ შერჩეულ 6 საჯარო სკოლაში ჩამოყალიბდა. ესენია: ბათუმის №1, №4, №14, №15, №16 და №28 საჯარო სკოლა.

"იდეატორთა კლუბი" მოიცავს კლასგარეშე აქტივობებს, რომლებიც დაწყებითი საფეხურის მოსწავლეებს ისეთ მნიშვნელოვან უნარ-ჩვევებს უვითარებს, როგორიცაა: კრიტიკული აზროვნება, ეფექტური კომუნიკაცია, გუნდური მუშაობა და პრობლემების კრეატიულად გადაწყვეტა. "იდეატორთა კლუბები" ხელს შეუწყობს ინოვაციებს და უბიძგებს ბავშვს, საკუთარი იდეები რეალურ ცხოვრებაში გადაიტანოს. კლუბის მუშაობის ძირითადი ფორმატია გუნდური პროექტის განხორციელება. მოსწავლეებმა ერთად შეარჩიეს პრობლემა და აქტიურად ითანამშრომლეს მისი გადაჭრის გზების მოსაძიებლად. ამ პროცესის ერთ-ერთ მთავარ კომპონენტს იდეების გენერირება წარმოადგენდა. კლუბები სკოლის ბაზაზე დაფუძნდა და მათში მე-4, მე-5 და მე-6 კლასების მსურველი მოსწავლეები გაერთიანდნენ. კლუბების ამოქმედებისა და გუნდური პროექტების განხორციელების პროცესს, ბიზნესის და სკოლის წარმომადგენლებთან თანამშრომლობით, უძღვებოდნენ ბსუ-ს, როგორც „USAID-ის საბაზისო განათლების პროგრამის“ ერთ-ერთი პარტნიორი უნივერსიტეტის პროფესორ-მასწავლებლები, პროგრამის ტრენერები და მოხალისე სტუდენტები“, - ნათქვამია გავრცელებულ ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა