ლუგანსკის გუბერნატორი - სევეროდონეცკში ინტენსიური ბრძოლა გრძელდება

აღმოსავლეთ უკრაინაში, ქალაქ სევეროდონეცკში ინტენსიური ბრძოლა გრძელდება. აღნიშნულის შესახებ ლუგანსკის ოლქის გუბერნატორმა სერგეი გაიდაიმ დღეს გავრცელებულ ვიდეომიმართვაში განაცხადა.

ცნობისთვის, სევეროდონეცკში, ქიმიურ ქარხანაში გუშინ განხორციელებულმა რუსულმა საჰაერო იერიშმა ფართომასშტაბიანი ხანძარი გამოიწვია.

ლუგანსკის ოლქის გუბერნატორის თქმით, გუშინ ხანძარი მას შემდეგ გაჩნდა, რაც აზოტის ქარხანაში დაზიანებული რადიატორებიდან ათობით ტონა ნავთობმა გამოჟონა.

ქარხანას ასობით მშვიდობიანი მოქალაქე აფარებდა თავს. გაიდაის არ დაუკონკრეტებია, მოახერხეს თუ ვერა ცეცხლის ჩაქრობა.

უკრაინული გამოცემა Kyiv Independent-ი გუბერნატორზე დაყრდნობით იუწყება, რომ სევეროდონეცკის ჩრდილო-დასავლეთ მდებარე სოფელ ტოშკოვკაში სიტუაცია ძალიან მძიმეა. თუმცა, უკრაინულმა ძალებმა წარმატებით დაბლოკეს რუსეთის წინსვლა პოპასნას მახლობლად.

შეგახსენებთ, გუშინ გაიდაიმ დაადასტურა, რომ სევეროდონეცკის უმეტესი ნაწილი ახლა რუსი სამხედროების კონტროლის ქვეშაა. იგივეს აცხადებენ ოკუპანტებიც. მათი თქმით, ქალაქის ყველა საცხოვრებელი უბანი რუსული ძალების კონტროლს ექვემდებარება.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია