რუსეთის ფედერაციის შეიარაღებულმა ძალებმა დონეცკის ოლქის ქალაქ ბახმუტზე ავიადარტყმა განახორციელეს, - ინფორმაციას უკრაინული მედია ავრცელებს.

აფეთქების ტალღამ ბევრი საცხოვრებელი სახლი დააზიანა. ზოგიერთი მათგანის რკინის შესასვლელი კარი გაიჭედა და მოსახლეობა შენობებში დარჩა. უკრაინის საგანგებო სიტუაციების სახელმწიფო სამსახურის მაშველები კარების გაჭრას ცდილობენ, ადამიანებს შენობების დატოვებასა და სამედიცინო დახმარების მიღებაში დაეხმარონ.

მედიის ცნობით, ქალაქის დაბომბვა გრძელდება, რამდენიმე ადგილას ხანძარი გაჩნდა. ქუჩები სავსეა დამსხვრეული მინებით.