Amnesty International - რუსეთი ხარკოვს აკრძალული საბრძოლო მასალის გამოყენებით ესხმოდა თავს

ორგანიზაცია Amnesty International-ის განცხადებით, რუსული ძალები უკრაინის ქალაქ ხარკოვზე თავდასხმას აკრძალული კასეტური საბრძოლო მასალის გამოყენებით ახორციელებდა.

„უკრაინაში შეჭრის დასაწყისში, რუსულმა ძალებმა უკრაინის სიდიდით მეორე ქალაქის, ხარკოვის დაბომბვა დაიწყეს, ისინი თითქმის ყოველდღიურად ბომბავდნენ საცხოვრებელ უბნებს, რის შედეგადაც ასობით მშვიდობიანი მოქალაქე დაიღუპა. ბევრი თავდასხმა ფართოდ აკრძალული კასეტური საბრძოლო მასალის გამოყენებით განხორციელდა," - აღნიშნულია ორგანიზაციის ანგარიშში.

Amnesty International-ის ცნობით, მათ რუსული ძალების მიერ 9N210 და 9N235 კასეტური ბომბების გამოყენების მტკიცებულება მოიპოვეს.

ანგარიშში ასევე საუბარია უმართავი რაკეტების, „გრადისა“ და „ურაგანის“ გამოყენებით მშვიდობიანი მოსახლეობის დაღუპვაზე.

Amnesty International-ის მკვლევარებმა აპრილსა და მაისში 14 დღე გამოიკვლიეს, რომლის დროსაც ხარკოვში 41 თავდასხმა მოხდა, დაიღუპა მინიმუმ 62 მშვიდობიანი მოქალაქე და დაშავდა 196-ზე მეტი. მათ მოინახულეს თავდასხმის ადგილები და გამოკითხეს 160 ადამიანი, მათ შორის დაშავებულები, მსხვერპლის ნათესავები, მოწმეები და ექიმები, რომლებიც დაშავებულებს მკურნალობდნენ. ორგანიზაციის მკვლევარებმა ასევე შეაგროვეს და გააანალიზეს მატერიალური მტკიცებულებები თავდასხმის ადგილებიდან, განსაკუთრებით საბრძოლო მასალის ფრაგმენტები.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება