ლისიჩანსკში, გასული დღე-ღამის განმავლობაში, რუსული ძალების ქმედებების შედეგად სამი ადგილობრივი მცხოვრები, მათ შორის ექვსი წლის ბავშვი, დაიღუპა, - ამის შესახებ ლუგანსკის რეგიონალური სამხედრო ადმინისტრაციის ხელმძღვანელი, სერჰი გაიდაი „ტელეგრამზე“ იუწყება.

„ლისიჩანსკში სამი ადგილობრივი მცხოვრები - კაცი და ქალი, ასევე 6 წლის ბავშვი, დაიღუპა და დაშავდა კიდევ ერთი ადამიანი", - განაცხადა გაიდაიმ.

მისი თქმით, ღამით დაიწვა სავაჭრო კომპლექსი და დაზიანდა კიდევ ოთხი სახლი. რუსებმა ასევე გაანადგურეს 11 სახლი ვრუბოვკაში, ოთხი - ზოლოტეში და ორი სახლი და საბავშვო ბაღი გორნიში.

"ჩვენმა ჯარისკაცებმა წარმატებით მოიგერიეს თავდასხმა ვიქტოროვკა-ვრუბოვკას და კამიშევახა-ვრუბოვკას მიმართულებით. მტერმა განაახლა შეტევითი მოქმედებები ზოლოტეს დასახლების ტერიტორიაზე", - განაცხადა გუბერნატორმა.

სევეროდონეცკში შექმნილ ვითარებასთან დაკავშირებით, გაიდაიმ აღნიშნა, რომ მტერი აგრძელებს ქალაქის შტურმს, „გარკვეულწილად უკან დახია უკრაინელი სამხედროები“ არტილერიაში მნიშვნელოვანი უპირატესობის გამო.