პარტია „ხალხისთვის“ თბილისის საკრებულოს წევრი ნინო წულაძე გახდება
თბილისის საკრებულოს დეპუტატი პარტია „ხალხისთვის“ წევრი ნინო წულაძე გახდება. ინფორმაციას ამის შესახებ პარტია „ხალხისთვის“ ავრცელებს.
მათივე ცნობით, პარტიის თბილისის საკრებულოს წევრს ალექსანდრე რატიშვილს პირადი განცხადების საფუძველზე უფლებამოსილება შეუჩერდა. ადგილმონაცვლე პროპორციული სიით კი, პარტია „ხალხისთვის“ საკრებულოს წევრი ნინო წულაძე იქნება.
უახლოეს მომავალში ნინო წულაძე და პარტია „ხალხისთვის“ მოქმედების გეგმას წარადგენს.
„როგორც უკვე ცნობილია, ნინო წულაძე 2021 წლის ადგილობრივი თვითმართველობის არჩევნებზე დიდუბის რაიონის მაჟორიტარობის კანდიდატი იყო. 2021 წლის 16 ივნისიდან დღემდე მოქალაქეთა პოლიტიკური გაერთიანება „ხალხისთვის“ თანადამფუძნებელი, პოლიტსაბჭოს წევრი და საარჩევნო მდივანია.
2020 წლიდან დღემდე საქართველოს საზოგადოებრივ საქმეთა ინსტიტუტის საერთაშორისო სამართლის სამაგისტრო პროგრამის მაგისტრანტი.
2019 წლის 22 ივნისს თანამოაზრე, მოხალისე იურისტებთან ერთად სოლიდარობის ჯგუფი 305 დააფუძნა, რომელიც მიზნად მშვიდობიანი დემონსტრანტებისა და 20 ივნისის აქციის დაშლის შედეგად დაკავებული მოქალაქეების სამართლებრივ მხარდაჭერასა და კონსულტაციას ისახავდა,“ - აღნიშნულია პარტიის მიერ გავრცელებულ ინფორმაციაში.
v-if="article.gallery" v-html="article.gallery"
