მეორე მხარე ხელს არ აწერს მიშელის დოკუმენტს და არავინ ერთ განცხადებასაც კი არ აკეთებს „ნაცმოძრაობის“ მიმართ, პირიქით, ჩამოდიან უცხოელი პოლიტიკოსები და სელფებს იღებენ იმ პოლიტიკური პარტიის ლიდერებთან, - ამის შესახებ „ქართული ოცნების“ თავმჯდომარემ, ირაკლი კობახიძემ „პალიტრანიუსის“ გადაცემა „პოლიტიკურ სივრცეში“ განაცხადა.

ირაკლი კობახიძემ 19 აპრილის შეთანხმებაზე საუბრისას აღნიშნა, რომ იმ დროს უცხოელ პოლიტიკოსებს ოპოზიცია არ გაუკრიტიკებიათ, რომელიც შეთანხმებას ხელს არ აწერდა.

„სისტემა არის ორპოლუსიანი. ერთ მხარეს არის „ქართული ოცნება“, მეორე მხარეს - „ნაციონალური მოძრაობა“. 100 დღის განმავლობაში ჩვენ საერთოდ არ გვეკუთვნოდა პოლიტიკურად ამ დოკუმენტის ხელმოწერა, რადგან არავითარი კრიზისი არ არსებობდა, ვერ დაამტკიცეს არჩევნების გაყალბება, პირიქით. დოკუმენტს მოვაწერეთ ხელი. ამის შემდეგ გადის ზუსტად 100 დღე, „ნაცმოძრაობა“ და დამატებით, სხვ პარტიები, მეორე მხარე ხელს არ აწერს ამ დოკუმენტს და არავინ ერთ განცხადებასაც კი არ აკეთებს „ნაცმოძრაობის“ მიმართ, პირიქით, ჩამოდიან უცხოელი პოლიტიკოსები, აღარ ჩამოვთვლი ვინ, დიპლომატები, მათ შორის აქაური და სელფებს იღებენ იმ პოლიტიკური პარტიის ლიდერებთან, ვინც ხელს არ აწერს დოკუმენტს 100 დღის განმავლობაში. ნული კრიტიკა, ნული მოწოდება და სელფებს იღებენ ამ პარტიის ლიდერებთან. ასეთ დროს ჩვენ იდიოტები ხომ არ ვართ?!“, - განაცხადა ირაკლი კობახიძემ.