უკრაინის გენერალურმა პროკურატურამ განაცხადა, რომ სვიატოჰირსკის მერი ვოლოდიმირ ბანდურა ღალატშია ეჭვმიტანილი
უკრაინის გენერალურმა პროკურატურამ განაცხადა, რომ სვიატოჰირსკის მერი ვოლოდიმირ ბანდურა ღალატშია ეჭვმიტანილი.
მერის წინააღმდეგ გამოძიება "მტრის მხარეზე გადასვლის" ფარგლებში მიმდინარეობს.
უკრაინის გენერალური პროკურატურის ვებგვერდზე გამოქვეყნებულ განცხადებაში სახელმწიფო მბრალდებელმა ბანდურა, ოკუპირებული სვიატოჰირსკის სათავეში ყოფნასთან დაკავშირებით რუსეთის წინადადების მიღებაში დაადანაშაულა.
როგორც ცნობილია, 13 ივნისს, პრორუსმა, თვითგამოცხადებული დონეცკის სახალხო რესპუბლიკის ლიდერმა დენის პუშილინიმ განაცხადა, რომ ბანდურა მათ მხარეს გადავიდა.
„ბანდურა ისევე ელოდა გათავისუფლებას, როგორც სვიატოჰირსკის ბევრი მცხოვრები. ის მხარს უჭერს რუსეთის სპეციალურ სამხედრო ოპერაციას უკრაინაში”, - დასძინა პუშილინმა „ტელეგრამის“ საკუთარ არხზე.
პუშილინმა მერთან შეხვედრის ფოტო გამოაქვეყნა.
“აშკარა მიზეზების გამო, მას თავისი პოზიციის დამალვა მოუწია - ამოცანა იყო ხალხის უსაფრთხოება”, - დასძინა პუშლინმა ბანდურას შესახებ „ტელეგრამზე“.
თვითგამოცხადებული დონეცკის სახალხო რესპუბლიკის ლიდერის თქმით, რთულ დროს ვოლოდიმირ ბანდურამ არ დატოვა თანამდებობა, მას პატივს სცემს და მხარს უჭერს მოსახლეობა, რის გამოც ქალაქ სვიატოჰირსკის ადმინისტრაციის უფროსის თანამდებობა შესთავაზა.
ცნობისთვის, რუსულმა ძალებმა სვიატოჰირსკი ცოტა ხნის წინ აიღეს.
