რუსული ძალების მიერ დნეპროპეტროვსკის ოლქის ქალაქ აპოსტოლოვოს დაბომბვის შედეგად ოთხი ადამიანი დაიღუპა, - უკრაინული მედიის ცნობით, ამის შესახებ აპოსტოლოვოს მერმა, ანდრეი ოსამ Telegram-ში დაწერა.

„ქალაქი აპოსტოლოვო მტრის „ურაგანებით“ დაბომბეს. არის ოთხი დაღუპული,“- განაცხადა მან.

ანდრეი ოსას ინფორმაციით, შემთხვევის ადგილზე საგანგებო სიტუაციების სახელმწიფო სამსახურის და პოლიციის თანამშრომლები მუშაობენ.

მერმა მოსახლეობას მოუწოდა, სიფრთხილე გამოიჩინონ და ლითონის ნივთებს არ შეეხონ.