უკრაინის თავდაცვის საკითხებზე საკონტაქტო ჯგუფის შეხვედრას, რომელიც დღეს ბრიუსელში უნდა გაიმართოს, 50-მდე ქვეყნის თავდაცვის უწყებების წარმომადგენლები დაესწრებიან, - ამის შესახებ აშშ-ის წარმომადგენელმა ნატოში, ჯულიანა სმიტმა განაცხადა.
„ოთხშაბათს შეერთებული შტატები მასპინძლობს უკრაინის თავდაცვის საკითხებზე საკონტაქტო ჯგუფის შეხვედრას. შეხვედრაზე 50-მდე ქვეყნის წარმომადგენლები შეიკრიბებიან, რომლებიც უკრაინას უჭერენ მხარს“, - აღნიშნა ელჩმა.
მისი თქმით, განიხილება უკრაინის ბრძოლის ველებზე არსებული ვითარება. მონაწილეები განიხილავენ, თუ რა დამატებითი სამხედრო დახმარების გაწევა შეუძლიათ უკრაინისთვის, რათა დაეხმარონ მას ამ ომში გამარჯვების უზრუნველყოფაში.