ერთ თვეზე მეტი ხნის განმავლობაში მძიმე ბრძოლის შედეგად, რუსული ძალები სევეროდონეცკის უმეტეს ნაწილს აკონტროლებენ. რუსეთის ომის ტაქტიკამ, რომელიც ეყრდნობა არტილერიის მძიმე გამოყენებას, მთელ ქალაქში დიდი ზარალი გამოიწვია, - ამის შესახებ გაერთიანებული სამეფოს თავდაცვის სამინისტროს ანგარიშშია აღნიშნული.

„უკრაინის შეიარაღებული ძალების ელემენტები, რამდენიმე ასეულ მშვიდობიან მოქალაქესთან ერთად, ქალაქის ინდუსტრიულ ზონაში მდებარე “აზოტის“ ქიმიურ ქარხანაში, მიწისქვეშა ბუნკერებს აფარებენ თავს“, - აცხადებენ უწყებაში.

თავდაცვის სამინისტროს განმარტებით, რუსული ძალები სავარაუდოდ განლაგდებიან „აზოტსა“ და მის გარშემო, ხოლო უკრაინელ მებრძოლებს შეუძლიათ მიწისქვეშა თავშესაფრებში გადარჩენის მიზნით დარჩენა. უწყებაში ვარაუდობენ, რომ ეს დროებით ხელს შეუშლის რუსეთს, ამ ქვედანაყოფებს საბრძოლო ამოცანების სხვა ადგილებში განხორციელება დაავალოს. ამასთან, ბრიტანეთის თავდაცვის უწყებაში აცხადებენ, რომ რუსეთი უკრაინული ძალებისგან ასეთ მძლავრ წინააღმდეგობას არ ელოდა.

„ნაკლებად სავარაუდოა, რომ რუსეთი თავდაპირველი შეჭრის დაგეგმვისას, ასეთ მძლავრ წინააღმდეგობას, ან ასეთ ნელ, გამომფიტველ კონფლიქტს მოელოდა“, - აღნიშნულია ანგარიშში.