გიორგი ბოტკოველი - ვინმეს სჯერა, რომ 16 ივნისის აქცია სალომე ზურაბიშვილის დაგეგმილია? - გამორიცხავთ, რომ ადამიანი, რომელიც ივანიშვილის ქებით იწყებს და ამთავრებს, 16-შიც მადლობას არ გადაუხდის მას?!
ვინმეს სჯერა, რომ 16 ივნისის აქცია სალომე ზურაბიშვილის დაგეგმილია? ეს არის ხელისუფლების დაგეგმილი აქცია, რომელიც გააჟღერებინეს ზურაბიშვილს - გამორიცხავთ, რომ ადამიანი, რომელიც ივანიშვილის ქებით იწყებს და ამთავრებს, 16- შიც მადლობას არ გადაუხდის ივანიშვილს?! - ამის შესახებ ჟურნალისტებთან "ნაციონალური მოძრაობის" დეპუტატმა გიორგი ბოტკოველმა განაცხადა.
მისი თქმით, ადამიანებმა თავად უნდა გადაწყვიტონ, მივლენ თუ არა 16 ივნისს დაგეგმილ აქციაზე, თავად მისვლას არ აპირებს და 20 ივნისს დაგეგმილ აქციაზე წავა. მისივე განცხადებით, სალომე ზურაბიშვილს ივანიშვილის ვალი აქვს, რომ პრეზიდენტია და მისი განცხადებებიც ამ ვალის გადახდას ემსახურება.
„ყველაზე მეტად რაც იყო დასამახსოვრებელი, ეს იყო მადლობა ივანიშვილს. როცა საქართველოში არ იმყოფებოდა და იქიდან განცხადებას აკეთებდა, მისგან მოვისმინეთ, რომ ივანიშვილს არ უნდა გადავაყოლოთ ქვეყანა, ჩამოვიდა აქ და თქვა, რომ ივანიშვილს უნდა გადავაყოლოთ. მისი მადლობები ამას გულისხმობდა. საუბრობენ, რომ ქართველ ხალხს თურმე ვალი ჰქონია ივანიშვილის, ქართველ ხალხს არა, მაგრამ სალომე ზურაბიშვილს კი ნამდვილად აქვს ვალი ივანიშვილის, რომ დღეს პრეზიდენტია და ამ ყველაფრის გადახდას ცდილობს თავის ქმედებებით და განცხადებებით. თუნდაც ის, რაზეც ისაუბრა, რომ გაფუჭებული საქმე დახვდა ბრიუსელში, მან რა გააკეთა მთელი ეს პერიოდი, რაც პრეზიდენტია, რომ არ გაფუჭებულიყო ან იმ კონკრეტულ სიტუაციაში რა გააკეთა, რომ გამოესწორებინა. ის დაუპირისპირდა მთელ იმ პროცესს, რაზეც საუბრობს ევროპარლამენტის რეზოლუცია და გააგრძელა ხოტბის შესხმა ივანიშვილისთვის, ეს მოსალოდნელიც იყო“, - განაცხადა ბოტკოველმა.
v-if="article.gallery" v-html="article.gallery"
