რუსულმა ძალებმა დონეცკის ოლქის ქალაქ პოკროვსკსა და გრიშინოს დასახლებაზე სარაკეტო იერიში მიიტანეს, - ამის შესახებ დონეცკის ოლქის სამხედრო ადმინისტრაციის ხელმძღვანელი, პაველ კირილენკო „ფეისბუქში“ იუწყება.
მისივე თქმით, დარტყმების შედეგად ორი ადამიანი დაშავდა, განადგურდა ან დაზიანდა სულ მცირე 14 კერძო სახლი, მეტეოროლოგიური სადგური და ფერმა.
"რუსები აშკარად იცავენ თავიანთ ტაქტიკას. ისინი თავს ესხმიან სამოქალაქო ობიექტებს და ატერორებენ ადამიანებს", - წერს პაველ კირილენკო.