ჩვენ ყველაფერს აღვადგენთ, - ამის შესახებ იტალიის პრემიერ-მინისტრმა მარიო დრაგიმ უკრაინაში რუსეთის შეჭრის შედეგად განადგურებულ ქალაქ ირპინში ვიზიტის შემდეგ განაცხადა.

„მათ დაანგრიეს ბაგა-ბაღები, სათამაშო მოედნები და ყველაფერი აღდგება“, - აღნიშნა დრაგიმ.

შეგახსენებთ, ევროკავშირის სამი უმსხვილესი ეკონომიკის ლიდერები - საფრანგეთის პრეზიდენტი ემანუელ მაკრონი, გერმანიის კანცლერი ოლაფ შოლცი და იტალიის პრემიერ-მინისტრი მარიო დრაგი უკრაინას სტუმრობენ.

მათთან ერთად იმყოფება რუმინეთის პრეზიდენტი კლაუს იოჰანისიც. ის უკრაინაში ცალკე მატარებლით ჩავიდა.