კიევში უკრაინის, გერმანიის, საფრანგეთის, იტალიისა და რუმინეთის ლიდერებს შორის შეხვედრა დასრულდა. ამის შესახებ უკრაინის პრეზიდენტის ოფისის ხელმძღვანელმა განაცხადა.

„უკრაინას აქვს საერთაშორისო კოალიციის მტკიცე მხარდაჭერა“, - დაწერა ანდრეი ერმაკმა „ტელეგრამის” საკუთარ არხზე.

მანვე დასძინა, რომ პრეზიდენტმა ზელენსკიმ თავის ევროპელ კოლეგებს რუსეთის წინააღმდეგ სანქციების წინადადებების „სრული პაკეტი“ გადასცა.

„ჩვენ უნდა გავზარდოთ ზეწოლა აგრესორზე და ვიმუშაოთ სანქციების მეშვიდე პაკეტზე, სადაც გაზის ემბარგო იქნება გათვალისწინებული“, - აღნიშნა ერმაკმა.

როგორც მედია წერს, შეხვედრის შემდეგ პრესკონფერენციაა დაგეგმილი.