რუსმა დამპყრობლებმა დროებით ოკუპირებულ ტერიტორიებზე სულ მცირე 20 ფილტრაციის ბანაკი და ციხე შექმნეს, - უკრაინული მედიის ინფორმაციით, ამის შესახებ უკრაინის მუდმივმა წარმომადგენელმა ეუთოსა და ვენაში განლაგებულ სხვა საერთაშორისო ორგანიზაციებში ევგენ ციმბალიუკმა ეუთოს მუდმივმოქმედი საბჭოს სხდომაზე განაცხადა.
"ჯერ კიდევ ბევრი ადგილია, სადაც დანაშაული არ წყდება. ოკუპირებულ ტერიტორიებზე სულ მცირე 20 ფილტრაციის ბანაკი და ციხეა აღმოჩენილი", - აღნიშნა ელჩმა.
მან ისაუბრა ოკუპირებულ დონეცკში მდებარე ციხე „იზოლაციაზე“.
„ჩვენ ძალიან კარგად ვიცით, რა საშინელებებიც იქ ხდება, ამიტომ უნდა შევაჩეროთ რუსეთი და არ მივცეთ საშუალება, ეს ციხე მთელ უკრაინაში გაავრცელოს“, - აღნიშნა ციმბალიუკმა.