გენშტაბის ინფორმაციით, უკრაინულმა ავიაციამ ხერსონის ოლქში მტრის ჯგუფებს დარტყმა მიაყენა

უკრაინულმა ავიაციამ ხერსონის ოლქის ხერსონის, კახოვკასა და ბერისლავის რაიონებში მტრის ჯგუფებს დარტყმა მიაყენა, - ამის შესახებ უკრაინის შეიარაღებული ძალების გენერალური შტაბის ყოველდღიურ ანგარიშშია აღნიშნული.

მათივე ცნობით, ხარკოვის მიმართულებით, მტრის ძირითადი ძალისხმევა მიმართულია ოკუპირებული საზღვრების შენარჩუნებაზე.

„მტერი კოჩუბიევკას დასახლების ტერიტორიაზე დაზვერვის განხორციელებას ბრძოლით ცდილობდა. ჩვენმა ჯარისკაცებმა ზუსტი ცეცხლით უპასუხეს და მტერმა უკან დაიხია,“- აღნიშნულია ინფორმაციაში.

გენშტაბის ცნობით, სლოვიანსკის მიმართულებით ოკუპანტები კონცენტრირებულები არიან სლოვიანსკზე შეტევის გაგრძელებაზე. ისინი ატარებენ რეკოგნოსცირებას კრასნოპილიას ტერიტორიაზე, ბრძოლა გრძელდება.

„მტერი შეეცადა სოფელ ბოხოროდიჩნეზე სრული კონტროლის დამყარებას, თუმცა უკრაინელმა სამხედროებმა თავდასხმა წარმატებით მოიგერიეს. ცდილობს რა შექმნას პირობები ქალაქ სლოვიანსკზე შეტევის განხორციელებისთვის, მტერი იყენებს არტილერიას დოლინას, კრასნოპილიას, დიბრივნისა და ვერნოპილას რაიონებში,“- აღნიშნულია ინფორმაციაში.

გენშტაბის ცნობით, სევეროდონეცკის მიმართულებით ოკუპანტები აგრძელებენ უკრაინული ქვედანაყოფების წინააღდეგ საარტილერიო ცეცხლს.

„მტერმა ავიადარტყმა მიაყენა უსტინივკას დასახლებას. ბრძოლა ქალაქ სევეროდონეცკზე სრული კონტროლის დაწესებისთვის გრძელდება,“- აღნიშნულია ინფორმაციაში.

გენშტაბის ცნობით, ბახმუტის მიმართულებით უკრაინის დამცველებმა მოიგერიეს მტრის თავდასხმა ზოლოტეს დასახლების მიმართულებით და მტერმა უკან დაიხია. ამასთან, ოკუპანტები ცდილობდნენ წინსვლას ვასილივკასა და ბერესტოვის მიმართულებებით, თუმცა უკრაინელმა სამხედროებმა მათ ცეცხლი გაიხსნეს და აიძულეს, უკან დაეხიათ.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში