ოლაფ შოლცი - ბერლინი იმუშავებს, რომ ევროკავშირის წევრი 27-ვე ქვეყანა შეთანხმდეს უკრაინის ევროპულ პერსპექტივაზე
გერმანიის კანცლერის, ოლაფ შოლცის განცხადებით, უკრაინისთვის ევროკავშირის კანდიდატის სტატუსის მინიჭება აუცილებელია.
„დოიჩე ველეს“ ინფორმაციით, გერმანიის მთავრობის ვებგვერდზე გამოქვეყნებულ ვიდეო მიმართვაში შოლცი აცხადებს, რომ უკრაინაში ბევრი იბრძვის თავისუფლებისა და დემოკრატიისთვის და სურთ იცოდნენ, რომ ეს მათ ევროპამდე მიიყვანს.
შოლცის მტკიცებით, ბერლინი იმუშავებს იმისთვის, რომ ევროკავშირის 27-ვე წევრი ქვეყანა შეთანხმდეს უკრაინის ევროპულ პერსპექტივაზე მომავალ კვირას ბრიუსელში დაგეგმილ მოლაპარაკებებზე.
კანცლერმა საფრანგეთის პრეზიდენტ ემანუელ მაკრონსა და იტალიის პრემიერ-მინისტრ მარიო დრაგთან ერთად უკრაინაში განხორციელებულ ვიზიტზეც ისაუბრა, რომლის ფარგლებშიც, ქალაქ ირპინში, მისი შეფასებით, საშინელი განადგურების კვალი იხილა.
„ჩვენ გავაგრძელებთ უზრუნველვყოთ, რომ დაფინანსება ხელმისაწვდომი იყოს, ხელს შევუწყობთ რეკონსტრუქციას, გავაგრძელებთ იარაღის მიწოდებას, რომელიც სასწრაფოდ არის საჭირო უკრაინის დამოუკიდებლობის დასაცავად“, - განაცხადა გერმანიის კანცლერმა.
v-if="article.gallery" v-html="article.gallery"
