უკრაინის ჯანდაცვის სამინისტროს ინფორმაციით, ინდონეზიის რესპუბლიკა მზადაა, რომ რუსეთის მიერ დანგრეული უკრაინის ჯანდაცვის ინფრასტრუქტურის აღდგენის პროცესს შეუერთდეს. ამის შესახებ ინფორმაცია უკრაინულ მედიაში ვრცელდება.

მედიის ცნობით, აღნიშნული შეთანხმების შესახებ უკრაინის ჯანდაცვის მინისტრის მოადგილე ალექსი იარემენკოსა და ინდონეზიის რესპუბლიკის დელეგაციას შორის შეხვედრის შემდეგ გახდა ცნობილი.

"ინდონეზიის რესპუბლიკა მზადაა, რომ უკრაინის ჯანდაცვის ინფრასტრუქტურის აღდგენას შეუერთდეს, რომელიც რუსი ოკუპანტების რაკეტებითა და ჭურვებით განადგურდა. კერძოდ, საუბარია 5 მილიონი დოლარის ინვესტიციაზე, რომლიც შეიძლება, რომ უკრაინის ჯანდაცვის დაწესებულებების აღსადგენად იყოს გამოყენებული", - ნათქვამია განცხადებაში.

მედიის ინფორმაციით, უკრაინაში რუსული მხარის მიერ განადგურებული 32 სამედიცინო დაწესებულება უკვე აღდგენილია.