უკრაინის დედაქალაქ კიევში დღეს აფეთქებების ხმა გაისმა. ინფორმაციას მედია რეგიონის სამხედრო გუბერნატორ ოლექსი კულებაზე დაყრდნობით ავრცელებს.

უკრაინელი ოფიციალური პირი „ტელეგრამის“ საკუთარ არხზე აცხადებს, რომ აფეთქებები დღეს დილით ვიშგოროდის რაიონში გაისმა.

მისი თქმით, უკრაინის საჰაერო თავდაცვამ მტრის სამიზნეებს ცეცხლი გაუხსნა.

როგორც კულება აღნიშნავს, რუსულ ავიაიერიშს მსხვერპლი ან ხანძარი არ გამოუწვევია, თუმცა კიევის მოსახლეობას მან თავშესაფრებში დარჩენისკენ მაინც მოუწოდა.