უკრაინულმა ავიაციამ რუსული ჯარების ტაქტიკური ჯგუფი და ერთ-ერთი საყრდენი პუნქტი გაანადგურა, - ინფორმაციას უკრაინული მედია უკრაინის შეიარაღებული ძალების საჰაერო ძალების წარმომადგენელზე, იური იგნატზე დაყრდნობით ავრცელებს.
მათივე ინფორმაციით, გარდა ამისა, საჰაერო ძალების საზენიტო მსროლელთა ჯგუფმა დრონი ჩამოაგდო.
"უკრაინის შეიარაღებული ძალების საჰაერო ძალები აგრძელებენ დავალებების შესრულებას უკრაინის სუვერენიტეტისა და სახელმწიფო მთლიანობის დასაცავად. უკრაინის მიერ განხორციელებული ავია დარტყმის შედეგად განადგურდა ტაქტიკური ჯგუფის ტექნიკა და ცოცხალი ძალა, ასევე რუსი დამპყრობლების ერთ-ერთი დასაყრდენი პუნქტი, უკრაინელმა საზენიტო მსროლელებმა გასული დღის განმავლობაში მტრის დრონი ჩამოაგდეს“, - აღნიშნა იგნატმა.