რუსმა ოკუპანტებმა ლუგანსკის ოლქის ქალაქ ლისიჩანსკის გარშემო სამი ავიადარტყმა განახორციელეს, - ამის შესახებ ლუგანსკის ოლქის სამხედრო ადმინისტრაციის ხელმძღვანელი, სერჰი გაიდაი „ტელეგრამში“ იუწყება.
მისივე თქმით, სევეროდონეცკში ბრძოლა გრძელდება.
„19 ივნისს გორსკოეში რუსებმა 19 სახლი დააზიანეს, ვრუბოვკაში კი - 7“, - აცხადებს გაიდაი.
მისი თქმით, მტერმა ავიაიერიში მიიტანა მირნაია დოლინასა და ბელაია გორას რაიონებზე, ასევე ერთ-ერთ უკვე დანგრეულ ხიდზე, რომელიც ლისიჩანსკს სევეროდონეცკთან აკავშირებდა.
„სევეროდონეცკში მინაბოჭკოვანი ქარხნის ტერიტორია და სამაშველო პოლიგონი მოწინააღმდეგის ცეცხლის ქვეშ მოხვდა“, - აცხადებს გაიდაი.
მისი თქმით, ლისიჩანსკისა და რიგი სხვა დასახლებების წინააღმდეგ ოკუპანტებმა სარაკეტო და საარტილერიო ცეცხლი გახსნეს.