სალომე ზურაბიშვილი - მინდა, ყველა ის ნაბიჯი გადავდგათ, რომელიც წლის ბოლომდე მიგვიყვანს კანდიდატის სტატუსამდე - ამის ირგვლივ დაპირისპირება დღეს არ შეიძლება
მინდა, ყველა ის ნაბიჯი გადავდგათ, რომელიც წლის ბოლომდე მიგვიყვანს კანდიდატის სტატუსამდე,- ამის შესახებ საქართველოს პრეზიდენტმა, სალომე ზურაბიშვილმა ბრიფინგზე განაცხადა.
როგორც სალომე ზურაბიშვილი განმარტავს, ძალიან ნათლად უნდა ჩანდეს საქართველოდან გზავნილი, რომ ყველას გვინდა ევროპული საქართველო და ევროპული პერსპექტივა.
„მინდა ყველას გთხოვოთ მობილიზებულები ვიყოთ. ეს ჩვენი ქვეყნისთვის ძალიან მნიშვნელოვანი და ისტორიული მომენტია. ყველა დაველოდებით გადაწყვეტილებას, ეს გადაწყვეტილება მოგვცემს შემდგომი განვითარების ახალ შანსს. ყველას გისურვებთ, რომ ეს გადაწყვეტილებები წარმატებული იყოს. მიმაჩნია, რომ ევროპული პერსპექტივა, რომლის რეკომენდაცია დევს კომისიის გადაწყვეტილებაში, ძალიან მნიშვნელოვანია.
მინდა, ყველა ის ნაბიჯი გადავდგათ, რომელიც ვიმედოვნებ, რომ წლის ბოლომდე მიგვიყვანს იმ სტატუსამდე, რომელზედაც ამდენი ხანი ვოცნებობთ, ანუ კანდიდატის სტატუსამდე. ყველას გისურვებთ მალე ევროპულ საქართველოს. ეს იქნება ყველასი, ერთიანი. ამის ირგვლივ დაპირისპირება დღეს არ შეიძლება. მინდა, ძალიან ნათლად ჩანდეს საქართველოდან გზავნილი, რომ ყველას გვინდა ევროპული საქართველო და ევროპული პერსპექტივა“,- აღნიშნა პრეზიდენტმა.
v-if="article.gallery" v-html="article.gallery"
