ნიკა მელია -  არ ვურჩევდი არავის, ანალოგიები გაავლოს წინა აქციებთან, დღევანდელი დღე სრულიად განსხვავებულია, ამიტომაც ხედავთ ზღვა რაოდენობის ადამიანს - იქნება კონკრეტული გეგმა, ოლიგარქი კი დამარცხდება

31 წლის წინ, ქართველმა ხალხმა თქვა, რომ სახელმწიფო ხალხს ეკუთვნის. დღეს იგივე თქვა ამ განსხვავებულმა და პატრიოტმა მოსახლეობამ, რომელმაც იგრძნო ყველაზე ღირებული, რაც კი აქვს სახელმწიფოს, რომ თავისუფლება, ევროპული და ეროვნული მომავალი რისკის ქვეშ დგას, - ამის შესახებ „ნაციონალური მოძრაობის“ თავმჯდომარე ნიკა მელიამ, რუსთაველის გამზირზე მიმდინარე აქციაზე „შინ ევროპისკენ“ „ინტერპრესნიუსს“ განუცხადა.

მელიას თქმით, ამ პროცესიდან გამარჯვებული ქართული საზოგადოება გამოვა, ოლიგარქი კი დამარცხდება.

„დამარცხდება ოლიგარქი, ოლიგარქი, რომელიც ვეღარ იქნება თავსებადი საქართველოს სახელმწიფოსთან, ვინაიდან, ის არის მხოლოდ და მხოლოდ მიმტაცებლობასთან დაკავშირებული, სივერაგესთან ასოცირებული, რომელმაც არ იცის, არ იცოდა და არც უნდა გაიგოს, რა არის სახელმწიფოებრივი საფუძვლები, ქართველი ხალხისგან განსხვავებით.

ეს პროცესი გამარჯვების გარეშე არ დასრულდება. მე არ ვურჩევდი არავის ანალოგიები გაავლოს წინა საპროტესტო აქციებთან, ეს სრულიად განსხვავებულია, ამიტომაც ხედავთ ზღვა რაოდენობის ადამიანს დღეს. ოჯახთან, შვილებთან ერთად ვართ წამოსული რუსთაველის გამზირზე. კონკრეტული გეგმა იქნება, საზოგადოების ფართო ჩართულობით გასაჯაროებული, რასაც ერთად მოვისმენთ“, - განაცხადა მელიამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია