უკრაინის შეიარაღებულმა ძალებმა, 24 თებერვლიდან 21 ივნისამდე, 34 100 რუსი ჯარისკაცი მოკლეს, მათ შორის, 300 მათგანი მხოლოდ გასული დღე-ღამის განმავლობაში. აღნიშნულის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.
უწყების ცნობით, უკრაინულმა მხარემ რუსული ძალების სხვადასხვა სახის ტექნიკაც გაანადგურა.
„უკრაინელმა დამცველებმა ასევე გაანადგურეს: 1496 ტანკი, 3606 ჯავშანტექნიკა, 752 საარტილერო სისტემა, 239 მრავალჯერადი სარაკეტო სისტემა, 98 საჰაერო თავდაცვის სისტემა, 216 საბრძოლო თვითმფრინავი, 181 ვერტმფრენი, 611 ოპერატიულ-ტაქტიკური დონის უპილოტო საფრენი აპარატი, 137 ფრთოსანი რაკეტა, 14 გემი/ნავი, 2537 სხვადასხვა ავტომობილი და ტანკერი, 59 ერთეული სპეცტექნიკა", - ნათქვამია უწყების მიერ გავრცელებულ განცხადებაში.