უკრაინამ 35 სამხედროს ცხედარი დაიბრუნა, - ინფორმაციას უკრაინული მედია ავრცელებს. მათივე ცნობით, დაღუპულებს შორის მარიუპოლის 25 დამცველია.
ცხედრების გადაცემის ოპერაცია ზაპოროჟიეს ოლქში ჩატარდა და ის საგანგებო ვითარებაში დაკარგული პირების კომისრის, უკრაინის თავდაცვის სამინისტროს მთავარი სადაზვერვო სამმართველოს, უკრაინის უსაფრთხოების სამსახურის, უკრაინის შეიარაღებული ძალების გენერალური შტაბის და სხვა სამართალდამცავი ორგანოების თანამშრომლობით განხორციელდა.