რუსეთის სრულმასშტაბიანი შეჭრის შედეგად უკრაინის ინფრასტრუქტურის 20%-30% განადგურდა, - ამის შესახებ უკრაინის ინფრასტრუქტურის მინისტრმა, ალექსანდრე კუბრაკოვმა ფრანგულ Le Monde-თან ინტერვიუში განაცხადა.

ომის შედეგად განადგურდა გზები, ხიდები, პორტები, რკინიგზა და აეროპორტები.

25 მაისის მდგომარეობით, უკრაინის ეკონომიკისთვის საცხოვრებელი და არასაცხოვრებელი შენობების (სკოლები, საავადმყოფოები და ა.შ.) და ინფრასტრუქტურის განადგურების შედეგად მიყენებული პირდაპირი ზარალი შეადგენდა 105.5 მილიარდ აშშ დოლარს.

ინფრასტრუქტურის მინისტრის თქმით, ოკუპანტების ქმედებებმა ყველაზე მეტად მარიუპოლი, ხარკოვი, ჩერნიგოვი, სევეროდონეცკი და ლისიჩანსკი დაზარალდა. საკუთარი საცხოვრებელი სახლი 320 000 უკრაინელმა დაკარგა.