პრემიერ-მინისტრ ირაკლი ღარიბაშვილის განცხადებით, 2026 წლისთვის 80 ახალი სკოლის აშენება და 720 სკოლის რეაბილიტაცია იგეგმება.

როგორც პრემიერმა პარლამენტში წლიური ანგარიშის მოხსენებისას განმარტა, მას განათლების სამინისტროსთვის შესაბამისი დავალება უკვე მიცემული აქვს.

„ასეულობით ბაღის რეაბილიტაცია შევძელით, ათეულობით ახალი ბაღის აშენება, 160 ახალი სკოლის აშენება, 200-მდე სკოლის რეაბილიტაცია, თუმცა მაინც გამოწვევად რჩება დაახლოებით 800 სკოლა. ჩვენი გადაწყვეტილებით, მე უკვე დავალებული მაქვს სამინისტროსთვის, 80 ახალი სკოლის აშენებას ვგეგმავთ და 720 სკოლის რეაბილიტაციას. 2026 წლისთვის, 3-4 წელიწადში ჩვენი გეგმის მიხედვით, ყველა სკოლა უნდა იყოს თანაბარ დონეზე, ევროპული დონის, გამართული, რეაბილიტირებული და მოწყობილი იმისთვის, რომ ჩვენი მომავალი თაობა ჯანსაღ გარემოში იღებდეს განათლებას“,-განაცხადა პრემიერმა.