სუმის ოლქში პოლიციის მანქანა ნაღმზე აფეთქდა, დაიღუპა ერთი და დაშავდა რამდენიმე ადამიანი, - ამის შესახებ სუმის ოლქის სამხედრო ადმინისტრაციის ხელმძღვანელი, დმიტრო ჟივიცკი იუწყება.
„წუხელ, ახტირსკის რაიონში პოლიციის მანქანა პატრულირებისას ნაღმზე აფეთქდა, დაშავდა ორი თანამშრომელი. როდესაც შემთხვევის ადგილზე ექსპერტები და გამომძიებლები მუშაობდნენ, მეორე აფეთქება მოხდა. შედეგად კიდევ ხუთი ადამიანი დაშავდა, ერთი კი - ადგილზე გარდაიცვალა“, - აცხადებს დმიტრო ჟივიცკი.