სასურსათო უსაფრთხოების გლობალურ კრიზისზე პასუხისმგებელი მხოლოდ და მხოლოდ რუსეთია, რომელიც უკრაინის წინააღმდეგ ომში იარაღად სურსათს იყენებს, - ამის შესახებ ევროპული საბჭოს სამიტის დასკვნაშია აღნიშნული.
ევროკავშირის წევრი ქვეყნების ლიდერები რუსეთს ოდესის პორტის განბლოკვისა და მარცვლეულის ექსპორტის დაშვებისკენ მოუწოდებენ.
„ევროპული საბჭო მოუწოდებს რუსეთს, დაუყოვნებლივ შეწყვიტოს სასოფლო-სამეურნეო ობიექტების მიზანში ამოღება და განბლოკოს შავი ზღვა, კერძოდ ოდესის პორტი, რათა დაუშვას მარცვლეულის ექსპორტი და კომერციული გადაზიდვები. ევროსაბჭო მხარს უჭერს გაერთიანებული ერების ორგანიზაციის გენერალური მდივნის ძალისხმევას ამ მიზნით,“- აღნიშნულია დოკუმენტში.
ევროპული საბჭო ხაზს უსვამს, რომ რუსეთის წინააღმდეგ ევროკავშირის სანქციები ხელს არ უშლის სოფლის მეურნეობისა და საკვები პროდუქტების თავისუფალ გადატანასა და ჰუმანიტარული დახმარების მიწოდებას.