დიახ, ჩვენ ამ შანსისთვის ძალიან მაღალი ფასი გადავიხადეთ. დიახ, ჩვენ ჯერ კიდევ ბევრი გვაქვს გასაკეთებელი ევროპული ოჯახისკენ მიმავალ გზაზე, - ამის შესახებ კიევის მერი, ვიტალი კლიჩკო „ტელეგრამში“ წერს, რითაც ეხმაურება ევროპული საბჭოს გადაწყვეტილებას უკრაინისთვის კანდიდატის სტატუსის მინიჭებასთან დაკავშირებით.
მისი თქმით, დარწმუნებულია, რომ უკრაინა გააკეთებს ყველაფერს, რაც საჭიროა მისთვის წაყენებული პირობების შესასრულებლად.
“დარწმუნებული ვარ, უკრაინა გააკეთებს ყველაფერს, რაც საჭიროა, ყველა პირობის შესასრულებლად და აუცილებელი კანონების მისაღებად. რადგან სხვა შემთხვევაში ჩვენს სახელმწიფოს მომავალი არ აქვს. სწორედ ამისთვის იღუპებიან ჩვენი საუკეთესო დამცველები,“- წერს კლიჩკო.
შეგახსენებთ, გუშინ, ევროპულმა საბჭომ უკრაინისთვის და მოლდოვისთვის ევროკავშირის კანდიდატის სტატუსის მინიჭების გადაწყვეტილება მიიღო.