ევროკავშირის სამიტის დასკვნით, სანქციების მეექვსე პაკეტის მიღება კიდევ უფრო მეტად აძლიერებს რუსეთზე წნეხს და მიზნად ისახავს უკრაინის წინააღმდეგ წარმოებული ომის შეჩერებას

ევროკავშირი რუსეთის წინააღმდეგ სანქციებზე მუშაობას გააგრძელებს, რათა უკრაინის წინააღმდეგ დაწყებული ომი შეაჩეროს. ამის შესახებ ევროკავშირის სამიტის უკრაინის შესახებ არსებულ დასკვნაშია ნათქვამი.

„სანქციების მეექვსე პაკეტის მიღება კიდევ უფრო მეტად აძლიერებს წნეხს რუსეთზე და მიზნად ისახავს უკრაინის წინააღმდეგ წარმოებული ომის შეჩერებას. გაგრძელდება მუშაობა სანქციებზე, მათ შორის, სანქციების შესრულების გამკაცრებისა და მათთვის გვერდის ავლის პრევენციის მიმართულებით.

ევროპული საბჭო მოუწოდებს ყველა ქვეყანას, შეუერთდეს ევროკავშირის სანქციებს, კერძოდ, კანდიდატი ქვეყნები“,- ნათქვამია ინფორმაციაში.

ევროკავშირის ლიდერები მიიჩნევენ, რომ მნიშვნელოვანია "სწრაფად დასრულდეს მუშაობა ევროპული საბჭოს გადაწყვეტილებაზე ევროკავშირის შემაკავებელი ზომების დარღვევის ევროკავშირის დანაშაულთა სიაში შეტანის შესახებ".

ამასთან, დასკვნაში ნათქვამია, რომ ევროკავშირის სამიტის მიმდინარეობისას განხილულ იქნა რუსეთის დაპყრობითი ომი უკრაინის წინააღმდეგ მის სხვადასხვა განზომილებაში.

„ევროპული საბჭო აცხადებს, რომ ის მყარად უჭერს მხარს უკრაინას და ევროკავშირი მომავალშიც გაუწევს ძლიერ მხარდაჭერას უკრაინის ეკონომიკურ, სამხედრო, სოციალურ და ფინანსურ მდგრადობას, მათ შორის ჰუმანიტარული დახმარების მიმართულებით“,- ნათქვამია ინფორმაციაში.

ევროპული საბჭო ასევე მკაცრად გმობს რუსეთის განურჩეველ თავდასხმებს მშვიდობიან მოსახლეობაზე და სამოქალაქო ინფრასტრუქტურაზე და მოუწოდებს რუსეთის ფედერაციას დაუყოვნებლივ გაიყვანოს ჯარი და აღჭურვილობა უკრაინის ტერიტორიიდან მის საერთაშორისოდ აღიარებულ საზღვრებში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა