ვოლოდიმირ ზელენსკი - მადლობელი ვართ ჯო ბაიდენის უკრაინისთვის 450 მილიონ დოლარიანი დახმარების პაკეტის მოწოდების შესახებ გადაწყვეტილების გამო
მადლობელი ვართ აშშ-ის პრეზიდენტის, ჯო ბაიდენის და ამერიკელი ხალხის, უკრაინისთვის 450 მილიონი აშშ დოლარის ღირებულების დახმარების პაკეტის გამოყოფის შესახებ გადაწყვეტილების გამო, - ამის შესახებ უკრაინის პრეზიდენტი, ვოლოდიმირ ზელენსკი „ტვიტერში“ წერს.
მისი თქმით, ეს დახმარება უკრაინისთვის ისე მნიშვნელოვანია, როგორც არასდროს.
„ეს მხარდაჭერა, მათ შორის დამატებითი HIMAR-ები, ახლა ისე მნიშვნელოვანია, როგორც არასდროს. ერთობლივი ძალისხმევით გავათავისუფლებთ უკრაინის მიწას რუსი აგრესორისგან!“- წერს ზელენსკი.
შეგახსენებთ, აშშ-ის პრეზიდენტის, ჯო ბაიდენის ადმინისტრაცია უკრაინისთვის სამხედრო დახმარების სახით დამატებით 450 მილიონი აშშ დოლარის გამოყოფას გეგმავს. დახმარების პაკეტი მოიცავს მაღალი მობილობის ოთხ საარტილერიო სარაკეტო სისტემას და საარტილერიო საბრძოლო მასალას სხვა სისტემებისთვის, ასევე 18 საპატრულო კატარღას სანაპიროებისა და მდინარეების მონიტორინგისთვის და მცირე ზომის იარაღს.
v-if="article.gallery" v-html="article.gallery"
