რუსთაველის გამზირზე აქცია „შინ ევროპისკენ!“ დასრულდა. აქციის ორგანიზატორებმა რამდენიმე მოთხოვნა დაასახელეს - სამოქალაქო საზოგადოება ირაკლი ღარიბაშვილის გადადგომას და ეროვნული თანხმობის მთავრობის შექმნას ითხოვს, რისთვისაც ხელისუფლებას 1-კვირიან ვადას აძლევს.
როგორც მოძრაობა „სირცხვილიას“ ერთ-ერთმა ლიდერმა, შოთა დიღმელაშვილმა განაცხადა, 3 ივლისამდე აქციის ორგანიზატორები რეგიონებში ჩავლენ, სადაც მოქალაქეებს შეკრებენ.
ამასთან, აქციის მონაწილეებს ვიდეომიმართვის საშუალებით სიტყვით მიმართეს უკრაინის პრეზიდენტმა, ვოლოდიმირ ზელენსკიმ და უკრაინის მმართველი პარტიის, „ხალხის მსახურის“ საპარლამენტო ფრაქციის თავმჯდომარე დავით არახამიამ.
პარლამენტის წინ მორიგი აქცია 3 ივლისს, 20:00 საათზე გაიმართება.